قالك هذا كان كيدور في المدينة وخلط عليه شفار على غفلة ودالوا البورتابل وهرب. بدا كيجري موراه ... حتى قالولوا اصاحبي راك متقدرش تقبضوا راه سريع بزاف رد عليهم اودي مسكين نسى شارجور .
--------------------------------------------------------------------------------
واحد شرا صباط كبير عليه.. هوا يحتارموا
--------------------------------------------------------------------------------
جوج بنات غاديين ، واحد سكران خسر معاهم الهدرة ، حشمو ، واحدة ولات حمرة ، وصحبتها ولات سكنجبير.
--------------------------------------------------------------------------------
قال لك هذا واحد جا يضرب الصداق أو جابها فالعدول
--------------------------------------------------------------------------------
قال لك هدا واحد وقفلو قلبو أهو يعطيه الكرسي
--------------------------------------------------------------------------------
قال لك هدا واحد بغا يبني المستقبل ديالو . ولكن ما لقاش الياجور
--------------------------------------------------------------------------------
قليك حمار ديال الجبال مغديش يدخل الجنة حيت تينقل بيه الكيف
--------------------------------------------------------------------------------
هدا واحد خينا فيه الكدوب بزاف, ديما يتقول لصحابو أو ولاد حومتو تيقول ليهم راه الوزير صاحبي و يلاه كنت معاه البارح, أولا البارح سلختو ملي لعبنا كارطا, إيوا الناس بداو تيقولو ليه و لاواه, زدتي فيه راك إما تصطيتي إما تتصطى علينا.
إيوا واحد النهار كان دايز موكب رسمي ديال الوزير , هو يتعرض ليه أو قال ليه الوزير أش حب الخاطر طلب اللي بغيتي, هو يقول ليه صاحبونا أنا مزاوك فيك فالعشية دوز من حدا القهوة فلانية و خرج راسك من الشرجم و عيط ليا, الملك قال ليه وخا العشية إن شاء الله ندوز من تما.
إيوا السيد جالس فالقهوة مع صحابو أو القهوة عامرة مطرطقة, شويا ها الوزير دايز هو يخرج راسو و شير عليه و غوت بسميتو 'وا سعيـــد'
هو يجاوبو صاحبونا قال ليه ويلي نتا طلعتي ليا فراسي !!!!
--------------------------------------------------------------------------------
اثنين سكرانين ... سأل الأول الثاني فقال له : هل تعرف ( ماركيز ) الذي يلعب في نادي برشلونة , فقال له الثاني : أعرف أخوه ( مالبورو) الذي يلعب احتياطي ...
--------------------------------------------------------------------------------
هد 3 ديال المعاكزة طيبو العشا او ماعندهومش الخبز..
دارو القرعة جات فواحد ..ملي مشى تعطل عليهم ساعة......ساعتين........3سوايع اهما يقولو ارا ناكلو هادالعشاء بلاخبز
اوهوا اخرج هداك ليسخروه من مورا الباب او قاليهم.....ناري كون مشيت كون كليتو علي العشا.هههههههههههههههههههههههههههه
--------------------------------------------------------------------------------
علاش مكنحلبوش القنية(انتى الأرنب).........حيت مكاينش فين نحطوالسطل
--------------------------------------------------------------------------------
قال لك هدا وحد السوسي هو يلاه دخل لدارو أومراتو قلتلو أنا خصني الشامبوان pantene جا هو شده أو قرعلها الشعر كامل أو قاليها عندك الزهر طلبتي الشمبوان أما إدا كنتي طابتي colgate خدي طياحتليك السنان.
--------------------------------------------------------------------------------
قاليك هادا واحد السيد راكب على حماروا أوتابعوا لكلب، بقا السيد كيضرب فالحمار أرا أرا أرا. دار فيه الحمار، قالوا:أحاول الشريف راك عياقتي علينا. السيد شاف الحمار هضر تخلع هو أو الكلب أوضربوها بجريا على رجليهم . وصلوا كيلهتو قليه الكلب : واخلعنا. زاد السيد كملها على رجلوا.
--------------------------------------------------------------------------------
هادي واحد الطيابة فالعرس داخت بريحة الفاخر والطياب،اوهي تسخف،اداوها ل السبيطار،وهو يسولها الطبيب:شكون أنا.جاوباتو هي:السفة.أوهو يقولها:إدا عشتي دردري عليا القرفة.
--------------------------------------------------------------------------------
هدا واحد بلارج جا يبوس ولدوا عماه
--------------------------------------------------------------------------------
هدا واحد سيد دار مليار تعبئة مني جا يسول اتصالات كالو ليه ان رصيدكم صالح الى يوم القيامة
--------------------------------------------------------------------------------
واحد وقفو بوليسي فالسيارة نتاعو
- قالو…….مالك مادايرش السمطة
- قاليه…… نسيتها فالسروال لاخر
- قالو…… ارا لوراق ديال لوطوموبيل ملي عطاهوملو قالو شتك ماكاتبانش )زعما فالصورة(
- قالو…. والو الشاف غير من الخدمة لدارومن الدار لخدمة
- قالو….. واش هاد طوموبيل مسوريا
- قالو….. لا, …..من بركان
- قالو…… واش مزوج
- قالو…… ايه مزوج بمرا
- قالو….. واش شفتي شي واحد مزوج براجل
- قالو…… ايه
- قالو….. شكون
قالو………… ختي
--------------------------------------------------------------------------------
كلك هدا واحد خونا ربح مليار ف لوطو و عائلتو خافو يقولوها ليه يمشي يسخف ولا يموت و هوما يمشيو عند واحد طبيب نفساني قالو ليه را خفنا نقولوها ليه يموت شوف كيفاش توصلها ليه و هوا يمشي عندو بقا كيسولو واحد شويا قال ليه يلا عطيناك مليار شنو دير بيها قال ليه غادي نقسمها معاك و هوا يسخف هداك طبيب.
--------------------------------------------------------------------------------
هذا واحد السوسي مات اباه دارو فتلاجة حتى تموت امو ويدير جنازة وحدة
وايلي تانتا , ماكاينش شي حمار فالبلاد ماتيعرفنيش.
--------------------------------------------------------------------------------
واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش.
--------------------------------------------------------------------------------
سراق الزيت خرج من الحانوت فرحان حيت لقا تصويرتو ف مبيد الحشرات.
--------------------------------------------------------------------------------
هدا واحد مكلخ سول صاحبو قالو : علاش الورق ديال الشجر كيسقط فالخريف ؟؟؟ رد عليه صاحبو قالو : حيت ما قرا واو فالصيف
--------------------------------------------------------------------------------
.
واحد رمى على صاحبتو وردة , و ماتت , علاش ؟؟؟؟ حيت نسا ماحيدش الوردة من الفاز(vase).
--------------------------------------------------------------------------------
واحد ديما مقلق تزوج بوحدة ديما مقلقة و عصبية بحالو , النهار لي جا الطبيب يولد مراتو خرج الولد تيقول للطبيب : سير بحالك بعد مني هاني غانخرج بوحدي بلا جميلك.
--------------------------------------------------------------------------------
هادي وحدا كاتشكي على صاحبتها كاتقولها : أنا راجلي كينسا بزاف نهار كينسا السوارت ديال الطوموبيل و نهار كينسى السوارت ديال الدار , اواه بزاف هادشي.
ردات صاحبتها قالتلها : ماشتيش راجلى أنا شي مرات تيقولى : نسيت فين شفتك واقيلا تلاقينا ف شي بلاصا؟
--------------------------------------------------------------------------------
هادو بزاف ديال المكلخين , صنعو طوبيس كيمشي بالعرض باش كلهم يركبو لقدام.
--------------------------------------------------------------------------------
هادا واحد سول مراتو قالها : فين الكلب لي شريناه باش يحضينا الدار ؟
قالتلو : سرقوه الشفارا البارح.
--------------------------------------------------------------------------------
هادا واحد القط سكر و مشا نعس حدا واحد القط مايت.
ملي فاق لقى داك القط الميت حداه و هو يقول : تفو كاندم علاش كانسكر.
--------------------------------------------------------------------------------
هادي وحدة ولدات بنت معا 12 دليل . جا راجلها قتل البنت. قالتلو : علاش ؟؟ قالها : ماخاسنيش لبنات لي تايجيو تالنصاصات د ليل .
--------------------------------------------------------------------------------
هدا واحد بخيل نجحلو ولدو. مشا شرالو ماكينا ديال لخياطة باش يخدم فالعطلة.
--------------------------------------------------------------------------------
واحد خدم في وزارة المياه . أول نهار في الخدمة جا لابس حوايج د السباحة
--------------------------------------------------------------------------------
واحد الدجاجة شربات الما كيغلي . حطات بيضة مسلوقة.
--------------------------------------------------------------------------------
جوج عيالات شارفين بغاو يتزوجو ماقبل عليهوم تاواحد . دارو اعلان فالجريدة كاتبين فيه : تزوج بواحدة تحصل على الأخرى مجانا
موضوع: نكت مغربية 100% مراكشية.. 
السبت مارس 03, 2012 9:34 pm
